بسم الله الرحمن الرحيم
السلام عليكم ورحمة الله وبركاته
صباحكم / مسك وعنبر
ندخل في الموضوع دايركت بدون مقدمات
الله يسلمكم الموضوع يقول :
دكتورة عندها ولد ... ويوم من الايام ردت الدكتورة من الدوام الا حرارة ولدها مرتفعة وااايد
فقالت حق الخدامة اتجيب لها تحميلة عشان تنزل حرارة ولدها اللي عمره 4 سنوات
المهم فصخته ثيابه وبطحته على بطنه ... وماتشوفه الا >>
عاد الام عبالها يعني الياهل خايف من التحميلة
لكن الصدمة
الياهل يقول حق امه : ماما ارجوك لاتسووين لي مثل مايسوي فيني توسان كل يوم ((يقصد السواق))
اهني الام صادتها القشعريرة
تخيلوا انتوا مكان الام
شنو ردة فعلكم !!
وين امهات هالزمن !!
اللي على طول ماعندهم وقت ... وينهم اللي 24 ساعة متكلين على المجرمين والاهل يا غافل لكم الله مايدرون شنو قاعد يصير في عيالهم ...
وانة متأكدة ان مافي بيت يخلى من الخدم !!
لكن مافكرتوا شنو بيسوون اذا تخلون عيالكم عندهم ؟؟
اكثر مشاكل الاجرام في الاطفال بسبب هالخدم الحثالة سحر وشعوذة ولواط وزنا وقتل
يعني الياهل لين يصيح يروح عند من
انزين ماعندكم اهل تخلون عيالكم عندهم !! جيران انزين !!
كلش كلش ودوهم الحضانة على الاقل اظمن لكم انتوا
بالله عليكم شفتوا ياهل يبي الخدامة بدال امه !!
شفتوا ياهل يتكلم بلغة الخدامة بدال لغة الاهل !!
كل هذي سبب التربية مع هالخدم
اترك لكم المجال للنقاش الجاد في الظاهرة المنتشرة في المجتمع العربي
الأحد مارس 28, 2010 3:26 pm
