أعجبتني فنقلتها لكم
أتمنى ان تنال استحسانكم ..
جابك الله من غيـاب ٍ ضيّـق صـدور المبانـي ..,
قبل لا الوحشه تزعزع بيتـك الصلـب و تبيـده ..,
بيتك اللي مـن رحلـت و كـل جدرانـه تعانـي ..!
مـا تحمـل ينتظـر شهريـن و عيونـك بعيـده ..,
الله العالـم لـو إنـك جيـت متأخـر ثـوانـي ..:
ما تشوف إلا بقايا مـن حصـاه و مـن حديـده ...!
من عرفتك و أنت تايه مـن موانـي لـي موانـي ..
و تارك ٍ قلبـي مولّـع مـن وقيـده فـي وقيـده ..,
ضاعـت سنينـي أحـدّ بهالليالـي و تحـدانـي ..,
و أنت ما تشبع غيـاب و لا تخـاف مـن النقيـده ,,
ودي أتحمـد لـك الله بالسلامـه , مـا مـدانـي ..!
كل ما توصـل برحلـه ترجـع برحلـه جديـده .!!!
دام تـدري كـل وجـه ٍ غيـر وجـه الله فانـي ..,
ياخي أكسبلك ثواب و خـاف ربـك فـي عبيـده ..,
كان فيني عيـب قلـي: فينـي العيـب الفلانـي ..,,
كان هرجي مزعلك فـي شـي قلـي : لاتعيـده ..!!
عيب تصغر في عيوني و أنـت برقـاب الغوانـي ’’
كيف تستسهـل طعونـي و أنـت خابرنـي وليـده ؟
نعنبوك أن مت بيدك من يفكـك مـن أخوانـي ..؟!!
لا احزنوا ربعي على فرقـاي شاللـي تستفيـده ..!؟
أنت منت اللي عشقته أنـت أكيـد انسـان ثانـي ..,
ليـه صـرت بهالبـرود و بهالاحاسيـس البليـده ..؟
وين حبـك للزعـل . ويـن العنـاد الأولانـي ..!؟
ويـن حنّيـة زمـان و فرحـة العمـر الرغيـده ..؟
وين ذاك اللي اليـا أقبـل مـا يبـات إلا بأمانـي ..!
وين راح اللي اليا أقفـى مـا يـروح ألا فقيـده ..,؟
واحد ٍ مـن جابـه الله بـس يامـر و يعصانـي ..’
الوحيد اللي أخافه غصب و أمشـي معـه سيـده ..,
( ما بغيت أطيح بايده ) ليـن مـا ربـي بلانـي ..!
و الا أنا لو هي بكيفي ( ما بغيت أطيـح بإيـده ) ..,
ذاك بـس اللـي ليامـن جيتـه يلخبـط كيانـي ..,
اللـي بنظـره ينشـف دم قلبـي فـي وريــده ..,
قبل أشوفه أجمع له أحلـى القصايـد و المعانـي ..’
و أن لقيته ما عرفت أقـول لـي جملـه مفيـده ..,
الـف مـره قبلـه أعـد القصيـده مـن لسانـي ::
و نعنبوه أن جيت عنده قمـت أخربـط بالقصيـده ..!
أمدحه و أنـا أدري أنـه لـو تباطانـي نسانـي .!!
أنطحه و انا أعرفـه مجنـون و أفكـاره عنيـده .,,
من يسوي بـي سواتـك يالرهيـف الاسمرانـي ..,؟
منهو من الناس غيـرك غلطتـه ترفـع رصيـده ,,؟
من يقص ( جناح طيرك ) و أنت أعز أنسان جاني ..؟
ليه أخاف ( رماح غيرك ) و أنت ضرباتك سديـده ؟
ان تبعتك . أتبعك مـن طيبـي و واسـع بطانـي ,,’
و إلا أنا لاجيـت أكيـد انسـان عـز الله بكيـده ..!
أقدر أنزع لك ثيابـي و ألبـس ثيـاب الأنانـي ..!!
و أقدر أطلع من عذابي و العب بدورك و أجيـده ..’
و مستعد أكسب رهاني لو بغيت أكسـب رهانـي ..,
و أخدعك باحساس كـاذب و أتحـدى مـن يصيـده
أبك أنا لي شفت خلّي حط غيـري فـي مكانـي ..’
و الله إني لا اتركه و أن صد لاعشق سيد سيـده ..,
جيت مابيك تحقرنـي جيـت أبيـك تعـز شانـي ,,’
جيت أبي فزعة ظلوعك مـن مشاعـرك البليـده .’’
خلني داخل ( حدودك ) و أجبـر بخاطـر زمانـي’’
أكذب بباقي ( وعودك ) و أصدق بلحظه سعيـده .,,
أنتشلني مـن ( بـرودك ) لـو تولّـع بالمحانـي ..’
عطني أحساس (بوجودك ) و أخذ كل اللي تريده ,,’
تكفى ،، و اليا قلت : تكفى \ بيع خلق الله عشاني ..,
لا تضيّع مـن يدينـي فرصـة العمـر الوحيـده ..,
يعلم الله شفت منك و مـن غيابـك مـا كفانـي ..!!
كـان مـا تقـدر تخفـف هـم قلبـي !! لا تـزيـده
شف غيابك وش يسوي بالصدور و بـا المبانـي ..!!
و أنت تدري كيف كانت صدمـة غيابـك شديـده ,,’
و الله أنك لـو وصلـت البيـت متأخـر ثوانـي ..,
ما لقيت إلا بقايـا مـن حصـاه و مـن حديـده ..!!
الأحد مارس 21, 2010 10:29 am
